Publicada o Mércores 11 de Xuño de 2008 en Medio Ambiente
A Concellaría de Medio Ambiente, dirixida por Xosé Xoán Roca, segue a promover os valores medioambientais nos escolares de Mugardos. Logo do éxito a semana pasada da ruta ciclista co alumnado de 4º, 5º , 6º e 1º da ESO dos centros mugardeses até a punta do Segaño, esta semana, concretamente xoves e venres, haberá actividades de animación interactiva, que teñen como obxectivo a concienciación do alumnado de todos os centros de ensino no respecto ao planeta e na necesidade de vivir dun xeito sustentábel.
Estas actividades faranse nos recreos, polo que serán breves actuacións durante os dous días nos diferentes centros. Dínamo Xestión será a entidade responsábel de impartir esta actividade.
